२४ घण्टामा १८ जना कोरोना संक्रमितको मृत्यु, ८४२ जना संक्रमणमुक्त

काठमाडौं । पछिल्लो २४ घण्टामा कोरोना भाइरसको संक्रमणबाट १८ जनाको मृत्यु भएको छ ।

स्वास्थ्य तथा जनसंख्या मन्त्रालयले सोमबार अपरान्ह अपडेट गरेको पछिल्लो कोरोना तथ्यांक अनुसार देशभर थप १८ जना संक्रमितको मृत्यु भएको हो । यससँगै हालसम्म मृत्यु हुनेको आधिकारिक संख्या १ हजार ७१६ पुगेको छ ।

मन्त्रालयका अनुसार यस अवधिमा थप ८२१ जना नयाँ संक्रमित थपिएका छन् । हालसम्म कुल संक्रमितको संख्या २ लाख ४९ हजार २४४ पुगेको छ ।

यसैगरी पछिल्लो २४ घण्टामा नै ८४२ जना संक्रमण मुक्त भएका छन् ।

देशभर अझै पनि १० हजार ९५५ जना संक्रमित आइसोलेसनमा बसेर उपचार गरिरहेका छन् ।