उखुको पैसा भुक्तानी नदिने उद्योगीलाई सरकारले पक्राउ गरि कारवाही गर्ने

काठमाडौँ । बिभिन्न बहाना बनाउँदै उखु किसानको पैसा भुक्तानी नदिने चिनी उद्योगीलाई सरकारले अव प्रहरी लगाएर पक्राउ गर्ने निर्णय गरेको छ । मंगलबार गृह मन्त्रालयमा बसेको सरोकारवाला मन्त्री सहितको बैठकले पैसा नदिने उद्योगीलाई पक्राउ गर्ने निर्णय गरेको हो।

गृहमन्त्री रामबहादुर थापाको अध्यक्षतामा कृषि मन्त्री घनश्याम भुसाल, वाणिज्य तथा आपूर्ति मन्त्री लेखराज भट्ट र संघीय मामिला तथा स्थानीय विकास मन्त्री हृदयश त्रिपाठी समेतको उपस्थितीमा बैठक बसेको थियो। बैठकमा सम्बन्धित मन्त्रालयका सचिव र नेपाल प्रहरीका एकजना एआइजीलाई पनि सहभागी बनाईएको थियो।

उखु ब्यवसायी र चिनी उद्योगीहरुले पटक पटक भाका दिने तर भुक्तानी नदिने गरेपछि उखु किसानहरू तेस्रो पटक न्याय माग्दै काठमाडौं पुगेका छन् । कतिपय उद्योगीहरुले आन्दोलनमा उत्रिएकाहरु उखु किसान नै नभएको भन्दै सरकारलाई भुक्तानी दिलाउा कडाई गर्न आवश्यक नभएको लबिङ समेत गर्दै आएका छन् ।