१५ चैत्र २०८०, बिहिबार | March 28, 2024

पूर्वतयारी, गृहकार्य, आपसी परामर्श र समन्वयको अभावमा बैठकमा अनुपस्थित : सभामुख सापकोटा



काठमाडौं । संवैधानिक परिषद्को बैठकमा प्रतिनिधिसभाका सभामुख अग्निप्रसाद सापकोटा अनुपस्थित भएको सम्बन्धमा सभामुखको सचिवालयले स्पष्टिकरण दिएको छ ।

सचिवालयले एक विज्ञप्ति प्रकाशित गर्दै बैठकका विषयमा संवैधानिक परिषदको बैठकको पूर्वतयारी, गृहकार्य, आपसी परामर्श र आवश्यक समन्वयको अभावका कारण बैठकमा उपस्थित हुन असमर्थ भएको स्पष्ट पारेको छ ।

राज्य संचालनमा दीर्घकालनीन एवं दुरगामी महत्व राख्ने निर्णयमा संवैधानिक परिषदका सदस्यहरुबीच पर्याप्त गृहकार्य र समन्वय हुनुपर्छ भन्दै प्रधानमन्त्रीलाई जानकारी गराउँदा समेत पूर्व तयारी, गृहकार्य, आपसि परामर्श र समन्वय नभएको विज्ञप्तिमा उल्लेख छ ।

सभामुखको सचिवालयका प्रेस विज्ञ श्रीधर न्यौपानेको हस्ताक्षर रहेको विज्ञप्तिमा आईतबारको बैठकमा भने बैठक पूर्व संसद सचिवालयको नियमित कार्यक्रम रहेका कारण उपस्थित हुन नसकेको उल्लेख गरिएको छ ।

मंसिर २८ गते संघीय संसद सेवा दिवस २०७७ को पूर्वनिर्धारित कार्यक्रम अन्तरगत विहान ८ : ३० बजे संघीय संसद, सचिवालय सञ्चालन तथा व्यवस्थापन समितिको बैठक स्वयम् सभामुखले अध्यक्षता गर्नुभएकोले उपस्थित हुन नसक्नु भएको विज्ञप्तिमा स्पष्ट पारिएको छ ।

राज्य संचालनमा दीर्घकालनीन एवं दुरगामी महत्व राख्ने निर्णयमा संवैधानिक परिषदका सदस्यहरुबीच पर्याप्त गृहकार्य र समन्वय हुनुपर्छ भन्ने सभामुखको मान्यता रहेको विज्ञप्तिमा लेखिएको छ ।

विज्ञप्तिमा नेपालको संविधान, संविधानले निर्दिष्ट गरेको विधिको शासन, शक्ति पृथकिकरण र सन्तुलनको सिद्धान्तलाई स्मरण गर्न समेत आग्रह गरिएको छ ।

राज्यका तीन अङ्ग कार्यपालिका, व्यबस्थापिका र न्यायपालिकाका प्रमुख र प्रतिनिधि सभाको विपक्षी दलको नेता समेत सहभागी रहने संवैधानिक परिषदको बैठकले लिने निर्णयले दुरगामी महत्व राख्ने विज्ञप्तिमा भनिएको छ ।

प्रकाशित मिति : ३० मंसिर २०७७, मंगलबार  ७ : १२ बजे

नेपाली राष्ट्रिय क्रिकेट टिमको बिदाई

काठमाडौं । भारतमा हुने बरोडा र गुजरातसँगको फ्रेन्डसिप सिरिज तथा

रुपन्देही प्रहरीले हराएका १२ थान मोवाईल फेला पारी मोबाइल धनिलाई बुझायो

बुटवल । रुपन्देही प्रहरीले जिल्लाका बिभिन्न स्थानबाट मोबाइल हराएको भन्दै

स्वास्थ्यमन्त्री यादवलाई रास्वपाको २६ बुँदे सुझाव

काठमाडौं । राष्ट्रिय स्वतन्त्र पार्टी (रास्वपा) को स्वास्थ्य विभागले बिहीबार

गगन थापाको टिप्पणी- ‘बा र भगवान प्रश्नभन्दा माथि !’

काठमाडौँ ।  नेपाली कांग्रेसका महामन्त्री गगन थापाले बा र भगवानलाई

बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले हरेक आर्थिक वर्षमा बजेट