सुर्खेतमा साढे दुई किलो अफिमसहित एक जना पक्राउ

सुर्खेत । साढे दुई किलो अफिमसहित प्रहरीले एक जनालाइ पक्राउ गरेको छ । लागु औषध अफिमसहित एक जनालाई प्रहरीले पक्राउ गरेको हो ।

रुकुमपश्चिम सानीभेरी नगरपालिका-३ गरेला का ५३ वर्षीया गोरख कुसारीलाइ कर्णाली प्रदेश प्रहरी कार्यालय सुर्खेतले दुई किलो सात सय ग्राम अफिमसहित पक्राउ गरेको थियो ।

लागु औषध ब्यूरो सुर्खेत, जिल्ला प्रहरी कार्यालय रुकुमपश्चिम प्रहरी चौकी सिम्लीको संयुक्त टोलीले कुसारीलाई मंगलबार दिउँसो पक्राउ गरेको कर्णाली प्रदेश प्रहरी कार्यालय सुर्खेतका सह-प्रवक्ता एवं प्रहरी उपरीक्षक माधवप्रसाद श्रेष्ठले जानकारी दिए ।

‘विशेष सुराकीको आधारमा त्यहाँ पुगेको टोलीले उनलाई खानतलासी गरेको थियो ।’ सहप्रवक्ता श्रेष्ठले भने, ‘खानतलासी गर्दा दुई किलो सात सय ग्राम लागु औषध भेटिएपछि कुसारीलाई नियन्त्रणमा लिईएको हो ।’

नियन्त्रण लिइएका कुसारीमाथि अनुसन्धान भइरहेको कर्णाली प्रदेश प्रहरी कार्यालय सुर्खेतले जनाएको छ ।