१६ चैत्र २०८०, शुक्रबार | March 29, 2024

ओलीलाई निषेध हैन नियन्त्रण गर्न खोजेका हौं : प्रचण्ड



काठमाडौं । सत्तारुढ दल नेपाल कम्युनिस्ट पार्टी (नेकपा) अध्यक्ष पुष्पकमल दाहाल प्रचण्डले अर्का अध्यक्ष एवं प्रधानमन्त्री केपी शर्मा ओलीलाई निषेध गर्न नखोजिएको स्पष्ट पारेका छन् ।

शुक्रबार जनवर्गीय संगठनको कार्यालय पेरिसडाँडामा प्रदेश १ स्तरीय आफु निकट नेताहरुको भेलालाई सम्बोधन गर्दै अध्यक्ष प्रचण्डले ओलीलाई निषेध नभै नियन्त्रण गरेर जाने खोलिएको बताएका हुन् ।

प्रचण्डले पार्टीको नियन्त्रणबाहिर ओलीको एकलौटीपन बढेकै कारण उनलाई नियन्त्रण गर्न खोजिएको स्पष्ट पारेका हुन् ।

अध्यक्ष प्रचण्डले ‘अध्यक्ष ओलीलाई निषेध होइन नियन्त्रण गर्न खोजेका हौँ, उहाँले पार्टीको निर्णय मान्नुभएन, निर्णय मानेर अगाडि बढ्नुहोस् भन्न खोजेका हौँ’, भनेको भेलामा सहभागी केन्द्रीय सदस्य जगन्नाथ खतिवडाले बताए ।

प्रचण्डले पार्टी निर्णय मान्न ओलीलाई आग्रह समेत गरेका छन् । प्रचण्डले सचिवालयमा आफुले पेश गरेको राजनीतिक प्रस्तावले प्रवृत्तिगत कुराहरुलाई उजागर गरेपनि ओलीको प्रस्ताव व्यक्तिगत गालिगलौजमा उत्रिएको दाबी समेत गरे ।

भेलामा नेताहरुले प्रधानमन्त्री ओलीले संवैधानिक परिषदसम्बन्धी अध्यादेश फिर्ता नलिए थप कदम चाल्ने समेत बताएका छन् । भेलालाई वरिष्ठ नेताहरु माधवकुमार नेपाल, झलनाथ खनाल लगायतले पनि सम्बोधन गरेका थिए ।

वरिष्ठ नेता नेपालले सम्बोधन गर्दै ओली र उनको समुह गोयबल्स शैलीमा कूप्रचारमा उत्रिएको आरोप लगाए । नेता नेपालले सबै समस्या ओलीबाटै सिर्जित भएको जिकिर समेत गरे ।

भेलामा प्रदेश १ का प्रचण्ड–नेपाल निकट १४ जिल्लाका इन्चार्ज, अध्यक्ष, सचिव र त्यस क्षेत्रबाट प्रतिनिधित्व गर्ने केन्द्रीय सदस्यहरु सहभागी थिए ।

यसअघि ओलीसमुहले पनि प्रदेश १ को भेला गरिसकेको छ । भुर्चुअल भेलालाई ओलीले सम्बोधन गरेका थिए ।

प्रकाशित मिति : ३ पुस २०७७, शुक्रबार  ५ : १४ बजे

कोहलपुर–सुर्खेत प्रसारण लाइनः रूख कटान प्रक्रिया सुरु

सुर्खेत । कर्णालीको विद्युतीकरणका लागि क्रान्ति ल्याउने उद्देश्यले निर्माण कार्य

दुर्गा प्रसाईंको हतियारको इजाजतपत्र र नवीकरण बारे छानबिन गर्न समिति गठन

काठमाडौँ । गृहमन्त्रालयले  दुर्गा प्रसाईंको नाममा रहेको हतियारको इजाजतपत्र र

जलवायु परिवर्तनको सबैभन्दा बढी असर जलस्रोतमा परेको छ : मन्त्री बस्नेत

काठमाडौं । ऊर्जा जलस्रोत तथा सिँचाइमन्त्री शक्तिबहादुर बस्नेतले जलवायु परिवर्तनको

सुनको मूल्यले बनायो अहिले सम्मकै नयाँ रेकर्ड

काठमाडौं । नेपाली बजारमा सुनको भाउले शुक्रबार अहिले सम्मकै नयाँ रेकर्ड

चीनको ‘जीडीआई’बाट नेपालले पनि लाभ लिनसक्छ : एमाले उपाध्यक्ष पौडेल

काठमाडौं । नेपाल कम्युनिष्ट पार्टी (एमाले) का उपाध्यक्ष विष्णुप्रसाद पौडेलले