काठमाडौं । नेपाली कांग्रेसका वरिष्ठ नेता रामचन्द्र पौडेलले आज मन्त्रिपरिषदले गरेको संसद विघटनको सिफारिसलाई संविधानविपरीत भएको बताएका छन ।
“मन्त्रिपरिषद्बाट संसद विघटनको सिफारिस भएको सूचना प्राप्त भएको छ,” पौडेलले फेसबुकमार्फत भनेका छन्, “यो संविधानविपरीत छ, लोकतन्त्रको मर्मविपरीत छ र राष्ट्र हीतविपरीत छ ।” वरिष्ठ नेता पौडेलले अहिलेको संविधानअनुरुप संसद विघटन गर्न नमिल्ने बताएका छन । उनले भनेका छन्, “राष्ट्रपतिले यसलाई स्वीकार गर्न हुँदैन ।”
उनले संसद विघटनको सिफारिस फिर्ता गर्न समेत आग्रह गरेका छन । “म यस्ता मुलुक र लोकतन्त्रलाई अस्थिरता र संकट तर्फ धकेल्ने गैर लोकतान्त्रिक कदमको घोर भत्सर्ना गर्दछु,” उनले भनेका छन ।
प्रतिक्रिया