काठमाडौं । प्रधानमन्त्री केपी शर्मा ओलीले बोलाएको सांसदहरुको भेलामा अनुपस्थित भएका गृहमन्त्री रामबहादुर थापासँग नेकपा अध्यक्ष पुष्पकमल दाहाल प्रचण्डले भेट गरेका छन् ।
अध्यक्ष प्रचण्ड थापालाई भेट्न मन्त्री निवास पुल्चोक पुगेका छन् ।
पूर्व माओवादी पार्टीको तर्फबाट प्रचण्डले नेकपाको सचिवालय सदस्य बनाएका थापा पछिल्लो दिनमा ओली निकट देखिँदै आएका छन् ।
प्रधानमन्त्री ओलीले प्रतिनिधिसभा विघटन गरेपछि त्यसको विरोधमा सात जना मन्त्रीले राजीनामा दिएपनि गृहमन्त्री थापा भने प्रधानमन्त्रीले बोलाएको चारवटै सुरक्षा निकायको बैठकमा सहभागी भएका थिए ।
तर थापा आज बिहान ओली पक्षीय भेलामा सहभागी भएनन् । बरु उनले आफु निकट केही नेताहरुसँग परामर्श गरेका थिए ।
प्रतिक्रिया