काठमाडौँ । राष्ट्रपति बिद्यादेबी भण्डारी र नेपालका लागि चिनियाँ राजदूत होउ यान्छी बीच शितलनिवासमा भेटवार्ता भएको छ । राष्ट्रपति विद्यादेवी भण्डारीसँग भेटवार्ता गर्न राजदूत यान्छी शितलनिवास पुगेकी छन् । साँझ करिब ६ बजे राजदूत यान्छी राष्ट्रपति निवास पुगेको बताईएको छ ।
सुरुदेखि नै नेकपा विभाजनको विपक्षमा रहेकी यान्छी नेपालमा विकसित भएको राजनीतिक घटनाक्रम र सत्तारुढ नेकपामा विभाजन देखिएका बेला भेटवार्ताका लागि शितलनिवास पुगेकी हुन् । एक साताअघि देखि नै राष्ट्रपतिसँग भेटका लागि चिनियाँ दूतावासले मन्त्रालयमार्फत् समय मागेको भएपनि राष्ट्रपतिले भेटका लागि समय नदिएको श्रोतहरुले उल्लेख गरेका छन् । उनले कोभिड(१९ विरुद्ध चिनियाँ भ्याक्सिन नेपाललाई उपलब्ध गराउने विषयमा कुरा गर्न राष्ट्रपतिसँग भेट गर्न भृपनि राष्ट्रपतिले समय नदिएको श्रोतले जनाएको छ ।
अघिल्लो पटक नेकपामा देखिएको विवादका बेला सक्रियताका साथ दौडधुप गरेकी यान्छी यसपटक भने भेटघाटमा सक्रिय थिइनन् । चीनले नेकपा विवादमा पार्टी विभाजन हुन नदिन कुटनीतिक प्रयासहरु गरेपनि आज नेकपा औपचारीकरुपमा विभाजित भएको छ ।
प्रतिक्रिया