कालिगण्डकी करिडोरमा भिरबाट ट्रक खस्दा ३ जनाको मृत्यु

कावासोती । कालिगण्डकी करिडोर अन्तर्गत पुर्बी नवलपरासीको गैंडाकोट ३ मा ट्रक दुर्घटना हुदा तीन जनाको ज्यान गएको छ । ईलाका प्रहरी कार्यलय गैडाकोट का अनुसारर गैंडाकोट भोक्रोफाँट टोलको २६ किलोमिटर भन्ने स्थानको सेतो पहराबाट ना ३ ख ५३३९ नम्बरको ट्रक खसेको हो । सडकबाट सो ट्रक झण्डै २ सय मिटर तल खसेको थियो ।

लोहनी कन्स्ट्रक्सनको सिमेन्ट बोक्ने ट्रक बुलिङटार गाउँपालिकाको खामबेंसीबाट फर्कदै गर्दा दुर्घटनामा परेको प्रहरीले जनाएको छ ।

घटनास्थलमा ३ जना पुरुषको शव फेला परेको स्थानीय खेम गरम्जा मगरले जानकारी दिएका छन् । गरम्जाका अनुसार सडकदेखी करिब १०० मिटरको दुरीमा ट्रकबाट उछिट्टिएको अवस्थामा शव फेला परेको हो ।

घटनास्थलबाट हेटौंडा ठेगाना रहेको सुरेश भुजेलको नाममा रहेको लाईसेन्स फेला परेको बताईएको छ । मेतकको आधिकारिक सनाखत हुन नसकेको प्रहरीले जनाएको छ । ट्रक उकालोमा ब्याक भई खसेको आशंका गरिएको छ ।

घटनास्थल गैंडाकोट पुर्व पश्चिम राजमार्गदेखी करिब ३५ किमिको दुरीमा पर्छ । विस्तृत विवरण अझै आउन बाँकी रहेको प्रहरीले जनाएको छ ।