काठमाडौं । बिहान ११ बजेका लागि बोलाईएको नेपाल कम्युनिस्ट पार्टी (नेकपा) माधव प्रचण्ड समूहको केन्द्रीय समिति बैठक दिउँसो १ बजेका लागि सरेको छ।
केही नेताहरूसँगको छलफल बाकी रहेको भन्दै ११ बजे बस्ने भनिएको बैठक १ बजेका लागि सारिएको हो। हाल सम्म नखुलेका केहि नेताहरुले बैठकमा सहभागी हुने संकेत गरेकाले बैठकको समय सारिएको बताईएको छ ।
आज बस्ने सो समूहको बैठकले पार्टी महासचिव सहित पदाधिकारी थप गर्ने तथा अध्यक्ष प्रचण्डले यस अघि स्थायी कमिटीमा प्रस्तुत राजनीतिक प्रस्ताव माथि छलफल गर्नुका साथै प्रधानमन्त्री केपी शर्मा ओलीले राष्ट्रपतिमार्फत गरेको प्रतिनिधिसभा विघटनका विरुद्ध आन्दोलनका कार्यक्रम घोषणा गर्ने कार्यतालिका रहेको नेताहरुले बताएका छन् ।
माधव प्रचण्ड समूहको महासचिवका लागि नेताहरू सुरेन्द्र पाण्डे, भीम रावल, घनश्याम भुसाल, वर्षमान पुन र जनार्दन शर्माको नाम चर्चामा रहेको छ।
प्रतिक्रिया