सिन्धुली । नेपाल टेलिभिजनका अध्यक्ष एवम् नेपाल पत्रकार महासंघका पूर्व अध्यक्ष महेन्द्र विष्ट चढेको गाडी दुर्घटना भएको छ । दुर्घटनामा परि विष्ट, उनी श्रीमति, छोरा सहित चार जना घाइते भएका छन ।
नेपाल टेलिभिजनको वा१ञ २४७० नम्बरको डस्टर गाडी ब्रेक फेल भएपछि रोडको छेउँमा रहेको साईड वारमा ठोक्किएर दुर्घटना भएको हो ।
शनिबार काठमान्डौबाट इटहरी जाने क्रममा विपी राजमार्ग अन्तर्गत सिन्धुलीको कमलामाई नगरपालिका वडा नं. २ चियावारी र पिपलभञ्ज्याङको बीचमा विष्ट सवार सवारी दुर्घटना भएको हो ।
दुर्घटनामा परि विष्टकी श्रीमति इन्दु विष्ट, छोरा संयम् विष्ट र सवारी चालक केशव सापकोटा घाइते भएका छन ।
घाइतेहरु सबै जनाको अवस्था सामान्य रहेको सिन्धुली अस्पतालले जनाएको छ । घाइते चारै जना सिन्धुली अस्पतालमा उपचारपछि काठमान्डौ फर्किएका छन ।
प्रतिक्रिया