बलियो पुर्बाधार निर्माणका लागि दाङको बबईमा डकर्मीलाई तालिम

दाङ । गुणस्तरिय भौतिक पुर्बाधार निर्माण गर्न बबई गाउँपालिकामा रहेका डकर्मीलाई सात दिने तालिम दिन सुरु गरिएको छ । बबई गाउँपालिकाको पुर्बाधार बिकास शाखाको आयोजनामा तालिम सुरु भएको हो ।

परम्परागत रुपमा निर्माणका काममा संलग्न रहेका डकर्मीहरुलाई तालिम दिन सुरु गरेको ईञ्जीनियर राजेश देबकोटाले जानकारी दिए । तालिम मार्फत् घर तथा अन्य बिकास निर्माणका काममा सहयोग पुग्ने देबकोटाले बताए ।

तालिमको उद्घाटन गर्दै गाउँपालिकाका अध्यक्ष भुवनेश्वर पौडेलले भुकम्प प्रबिधी भौतिक पुर्बाधार निर्माण गर्ने गरी दक्ष डकर्मी उत्पादन गर्न प्रशिक्षकहरुलाई आग्रह गरे । उनले सहरी क्षेत्रका रुपमा हापुरे क्षेत्रको बिकास हुन लागेको भन्दै डकर्मीलाई दिन लागिएको तालिम फलदायी हुने अपेक्षा गरे ।

सात दिनसम्म चल्ने तालिममा भवन निर्माण गर्ने समयमा ध्यान पु¥याउनुपर्ने बिषय, निर्माणको कार्यलाई ब्यबस्थित गर्ने बिषय, गुणस्तरको मापन जस्ता बिषयमा प्रशिक्षण दिने कार्यक्रम रहेको छ । तालिममा २६ जनाको सहभागीता रहेको छ ।