काठमाडौं । नेकपा प्रचण्ड-नेपाल पक्षको बागमती प्रदेशको संसदीय दलको नेतामा अष्टलक्ष्मी शाक्य चयन भएकी छन् ।
पेरिसडाँडाँमा बसेको प्रचण्ड-नेपाल पक्षको बैठकले बागमती प्रदेशका मुख्यमन्त्री डोरमणि पौडेललाई हटाएर शाक्यलाई संसदीय दलको नेता चयन गरेको हो ।
शाक्यलाई यसअघि नै दलको नेता बनाएर मुख्यमन्त्रीका रुपमा प्रस्ताव गरी पौडेलविरुद्ध अविश्वास प्रस्ताव दर्ता भएकाले आजको बैठकले त्यसलाई अनुमोदन गरेको जनाइएको छ ।
पौडेलविरुद्ध सो पक्षले प्रदेशसभामा अविश्वास प्रस्ताव दर्ता गरिसकेको छ । ११० सदस्यीय प्रदेशसभामा नेकपाका ८१ सांसद छन् । तीमध्ये ४५ जना प्रचण्ड-नेपाल पक्षका छन् ।
प्रतिक्रिया