बुटवल । सिमावर्ती बजारमा औषधीको अबैध पैठारीमा कडाई नगर्दा औषधी व्यवसायीहरु मर्कामा परेको बुटवलका औषधी व्यवसायीहरुले बताएका छन् । औषधी ब्यवसायी संघ रुपन्देही शाखाले बुटवलमा गरेको औषधीका खुद्रा व्यवसायीको भेलामा सहभागी वक्ताहरुले बजारमा भारतीय औषधीको दबदबा रहेको बताउंदै अवैध पैठारीलाई राज्यले कडाई गर्न नसकेको बताए । लुम्बिनी क्षेत्रमा झोले चिकित्सक र भारतिय औषधीका कारण वैधानिक व्यवसाय गर्ने औषधि व्यावसायीहरु मर्कामा परेको उनीहरुको भनाई छ ।
भेलामा बोल्दै औषधी व्यवसायी संघका खुद्रा तर्फका केन्द्रीय उपाध्यक्ष रामप्रसाद खरेलले खुला सिमाका कारण बजारमा भारतिय औषधीको दबदबा रहेको बताए ।खरेलले होलसेल विक्रेता र खुद्रा औषधी विक्रेताहरु बिच द्वन्द्वले आम उपभोक्ता मर्कामा पर्ने गरेको उल्लेख गर्दै खुद्रा औषधी ब्यवसायीहरु पेशाप्रति वफादार, उपभोक्ता प्रति उत्तरदायी बन्न आग्रह गरे ।
संघका जिल्ल अध्यक्ष सुरज भट्टराईले रुपन्देहीमा हरेकजसो क्षेत्रमा फरकफरक समस्याहरु रहेको बताए ।
भेलामा उपस्थित व्यवसायीहरुले फुट सप्लिमेन्ट्री र कस्मेटिक औषधी विक्रिमा विरामीहरुले पाउने डिस्काउन्ट, औषधीको म्याद सकिने लगायतका समस्यालाई समाधानका बाटो खोल्न सरोकारवालालाई सुझाव दिएका थिए । कतिपय कस्मेटिक उपचार र औषधी स्टकमा राख्नुपर्ने बाध्यता रहेरपनि यसबाट फाईदा नहुने उनिहरुले बताए ।
गुणयुक्त असरयुक्त, जनसुरक्षित औषधीको आपुर्ति, हाम्रो प्रतिवद्घता नारासहित स्थापना भएको संघले ब्यवसायिक हितका लागि क्षेत्रगत ४ वटा भेला, सामाजिक उत्तरदायित्व अन्तरगत रक्तदान, आर्थिक सहयोग लगायतका कार्यक्रमहरु सम्पन्न गरि सकेको छ ।
प्रतिक्रिया