तिलोत्तमा क्रिकेट विकास समितीमा नयाँ नेतृत्व

बुटवल । रुपन्देहीको तिलोत्तमा स्थित तिलोत्तमा क्रिकेट विकास समितीको ५ औं साधारण सभा तथा तेस्रो अधिवेशनबाट दीपक भुर्तेल अध्यक्षमा चयन भएका छन् ।

शनिवार सम्पन्न भएको अधिवेशनबाट भुर्तेलको अध्यक्षतामा ९ सदस्यीय कार्यसमिती गठन भएको हो । समितीको उपाध्यक्षमा राजेन्द्र केसी, सचिवमा श्रीराम नेपाली, कोषाध्यक्षमा कमल श्रेष्ठ, सह सचिवमा मिलन भण्डारी, सह कोषध्यक्षमा रोशन शर्मा निर्वाचित भएका छन् ।

त्यस्तै, सदस्यहरुमा माधव पन्थ, प्रकाश घिमिरे र भुपराज अधिकारी चयन भएको निर्वाचन समितीका संयोजक वावुराम गैरेले बताए । यसैबीच, समितीको साधारणसभाका अवसरमा कान्तिपुर दैनिककी रुपन्देही संवाददाता सन्जु पौडेल खेलकूद पत्रकारिता पुरस्कारबाट सम्मानित भएकी छन् ।

उनलाई शनिवार तिलोत्तमा क्रिकेट विकास समितिले सम्मान गरेको हो । आफ्नो पाचौं वार्षिक साधारणसभा तथा तेस्रो अधिवेशनको अवसरमा पत्रकारिताको माध्यमबाट क्रिकेट खेलको विकासका लागि पत्रकारिता तथा संचारको माध्यमबाट योगदान पुयार्एको भन्दै पौडेललाई नगद राशिसहित दोसल्ला ओडाएर नेपाल क्रिकेट संघका केन्द्रिय सदस्य प्रशान्त विक्रम मल्लले सम्मान गरेका हुन् ।

पौडेल ले विगत ११ वर्षदेखि सक्रिय पत्रकारिता गरिरहेकी छन् । पौडेल पत्रकार महासंघ , रुपन्देहीकी कार्यसमिति सदस्य समेत हुन् ।