काठमाडौं । कक्षा ११ र १२ मा नयाँ नयाँ पाठ्यक्रम लागू गर्न बाटो खुलेको छ ।
नयाँ पाठ्यक्रम लागु नगर्न माग गर्दै दायर भएको रिट निवेदनलाई सर्वोच्च अदालतले मंगलबार खारेज गरेको छ ।
सर्वोच्चमा मुद्दा विचाराधीन हुँदा हाल कक्षा ११ मा कुन पाठ्यक्रम पठाउने भन्ने अन्यौल कायम रहेको थियो । यससँगै यसै वर्षदेखि कक्षा ११ मा नयाँ पाठ्यक्रम लागू हुने भएको छ। सर्वोच्चले नयाँ पाठ्यक्रम लागु गर्न निर्देशनात्मक आदेशसमेत जारी गरेको छ।
पाठ्यक्रम विकास केन्द्रले २०७६ सालमा जारी गरेको विद्यालय शिक्षाको राष्ट्रिय पाठ्क्रम विरुद्ध भागवत अर्यालसमेतले २०७७ असोज २८ गते सर्वोच्च अदालतमा रिट निवेदन दायर गरेका थिए । त्यतिबेला अन्तरिम आदेश जारी गरेको अदालतले आज सबै रिट खारेज गर्दै निर्देशनात्मक आदेश जारी गरेको हो ।
पाठ्यक्रम विकास केन्द्रको सो पाठ्यक्रम पाँच वर्षभित्र देशभरका विद्यालयमा लागु हुने भनिएको थियो ।
प्रतिक्रिया