काठमाडौं । नेपाली सेनाले डोल्पाको शे-फोक्सुण्डो राष्ट्रिय निकुञ्ज क्षेत्रबाट जीवजन्तुको अवैध तस्करीमा संलग्न एक व्यक्तिलाई जनालाई पक्राउ गरेको छ ।
सेना र निकुञ्ज कर्मचारी सहितको पट्रोल टोलीले मिति यही पुष २७ गते शे–फोक्सुण्डो राष्ट्रिय निकुञ्ज क्षेत्र अन्तर्गतको त्रिपुरासुन्दरी नगरपालिका–११ स्थित थर्मु निगालीगौराबाट अवैध जिवजन्तु तस्करीमा संलग्न १ जनालाई पक्राउ गरेको हो ।
पक्राउ पर्नेमा त्रिपुरासुन्दरी नगरपालिका वडा नं. ६ बस्ने बर्ष ५३ को लक्ष्मीचन्द्र शाही रहेका छन् । निजको साथबाट बरामद भएको भरुवा बन्दुक एक थान र त्यसमा लाग्ने छर्रा एक थान, केप एक थान र बारुदको डब्बा एक थान समेत बरामद गरेको सेनाले जनाएको छ ।
यसैगरी शिकार गरिएको जनावरको मासु तथा शिकारको लागि आवश्यक अन्य बन्दोबस्तीका सामाग्रीहरु सहित आवश्यक कारवाहीको लागि निकुञ्ज कार्यालयमा बुझाइएको सैनिक जनसम्पर्क निर्देशनालयद्वारा विज्ञप्तिमा जनाइएको छ ।
प्रतिक्रिया