भद्रकालीमा बस दुर्घटना, १ जना घाइते

काठमाडौं । काठमाडौंको भद्रकालीमा बिहानै बस दुर्घटना भएको छ ।

साढे ७ बजे भद्रकालीस्थित आकाशे पुल मुनी बा ३ ख ४४३७ नम्बरको चन्द्रगिरी यातायातको सार्वजनिक बस दुर्घटना भएको हो ।

बिहानको समयमा तीव्र गतिका कारण अनियन्त्रित भइ बस पल्टेको प्रारम्भिक अनुसन्धानबाट खुलेको ट्राफिक प्रहरी कार्यालयले जनाएको छ । ५ जना सवार उक्त बस दुर्घटनामा १ जना घाइते भएका छन् ।

बस पल्टिएपछि उक्त रुट प्रभावित बनेको छ । बसलाई त्यहाँबाट हटाउने प्रयास भइरहेको प्रहरीले जनाएको छ ।