काठमाडौं । नेपालका पर्वतारोहीहरूले हिउँदेयाममा विश्वकै दोस्रो अग्लो हिमालको सफल आरोहण गर्न सफल भएका छन् । १० जना नेपाली पर्वतारोहीले पाकिस्तानमा रहेको माउन्ट केटु को सफल आरोहण गरेका हुन् ।
अहिलेसम्म हिउँदे सिजनमा कसैले आरोहण गर्न नसकेकोमा नेपाली पर्वतारोहीले इतिहास रचेको रेडियो पाकिस्तानले ट्वीटमार्फत जनाएको छ ।
नेपालका १० जना पर्वतारोहीले शनिबार पाकिस्तानस्थित केटु हिमालको आरोहण गरी इतिहास रचेका छन् ।
माउन्ट केटु को उचाई ८ हजार ६११ मिटर रहेको छ । आठ हजार मिटरभन्दा माथिका अन्य सबै हिमालमा हिउँदमा पनि आरोहण भैसकेको छ ।
सेभेन समिट ट्रेक्सका छाङ दावा शेर्पाको नेतृत्वमा रहेको सो आरोहण टिम पाकिस्तान पुगेको थियो । तर उनी भने आधार शिविरमा बसेका थिए ।
पाकिस्तानको समय बिहान ५:४५ मिनेटमा आरोहण गरेको थियो ।
आरोहण टिमका सदस्यहरूमा दावा तेम्बा शेर्पा, दावा तेन्जिङ शेर्पा, निर्मल पुर्जा, मिङ्मा जी शेर्पा, मिङ्मा डेभिड शेर्पा, मिङ्मा तेन्जी शेर्पा, गेल्जे शेर्पा, पेमछिरी शेर्पा, किलुपेम्बा शेर्पा, सोना शेर्पा रहेका छन् ।
प्रतिक्रिया