काठमाडौं। कानुनीरुपमा नेकपा विभाजित नभएपनि नेकपाकै नामबाट एकले अर्को पक्षका नेताहरुलाई कारवाही गर्ने सृङ्खला भने तिब्ररुपमा चलिरहेको छ । कानुनका छिद्रहरु केलाउंदै आफुले नेतृत्व गरेको पार्टीलाई बैधानिकता प्रदान गराउन एक पक्षले अर्को पक्षलाई कारवाही गरिरहेका छन् । कारवाहीको पछिल्लो सृङ्खला अन्तर्गत नेकपाको प्रचण्ड-नेपाल पक्षले प्रधानमन्त्री केपी ओलीलाई साधारण सदस्यबाट निस्काशन गर्ने प्रक्रिया अगाडी बढाएको छ । ओलीलाई यस अघि नै अध्यक्षपदबाट हटाएको बताउंदै आएको सो पक्षले अध्यक्षबाट हटाएपछि पनि आफुलाई अध्यक्ष हुं भन्दै क्रियाकलाप गर्न नछाडेको आरोप सहित तीन दिने स्पष्टिकरण सोधेको छ ।
प्रधानमन्त्री ओलीलाई सोधिएको स्पष्टिकरण बुझाउन प्रचण्ड-नेपाल पक्षको स्थायी कमिटी सदस्य सुरेन्द्र पाण्डे, मुकुन्द न्यौपाने र कार्यालय सचिव श्रीराम ढकाल सहितको टोलि सोमबार बालुवाटार पुगेर पत्र बुझाएर फर्केका थिए । ओलीलाई सोधिएको स्पष्टिकरणमा साधारण सदस्यबाट किन नहटाउने ? भन्ने प्रश्न गरिएको छ । नेकपाको अन्तरिम विधानको धारा ५६(ख) को उपधारा १० बमोजिम साधारण सदस्यबाट किन नहटाउने ? भन्ने प्रश्न सहित स्पष्टिकरण सोधिएको छ । यस अघि नेकपाको बहुमत केन्द्रीय कमिटीले सोहि धाराको उपधारा १ बमोजिम अध्यक्ष पदबाट ओलीलाई हटाएको थियो ।
यस्तो छ स्पष्टिकरण पत्र :
प्रतिक्रिया