नेपालगन्ज । देशैभरी फ्रन्ट लाईनका स्वास्थ्यकर्मीहरुले कोरोनाविरुद्धको खोप लिई रहँदा बाँकेमा भने फ्रन्टलाईनमै कार्यरत एकजना स्वास्थ्यकर्मीको कारोना संक्रमणका कारण मृत्यु भएको छ । शुक्रबार बिहनै बाँकेमा कोरोना भाईरस संक्रमणका कारण एक स्वास्थ्यकर्मीको मृत्यु भएको हो ।
बाँकेको बैजनाथ गाउँपालिकाको टिटेहरिया स्वास्थ्य चौकीमा कार्यरत ४७ वर्षीया सिनियर अनमी रमा भारतीको उपचारका क्रममा शुक्रबार बिहान मृत्यु भएको स्वास्थ्य कार्यालय बाँकेले जानकारी दिएको छ ।
भेरी अस्पताल नेपालगन्जमा उपचार गराईरहेकी भारतीको आज विहान ५ः२७ बजे मृत्यु भएको जिल्ला कोभिड–१९ संकट ब्यवस्थापन केन्द्र बाँकेका फोकल पर्सन तेज ओलीले बताए ।
कोरोना संक्रमण पुष्टि भएपछि अनमी भारती गत माघ १३ गते भेरी अस्पतालको कोभिड आइसोलेसन वार्डमा भर्ना भएकी थिईन ।
बाँकेका प्रमुख जिल्ला अधिकारी रामबहादुर कुरुम्वाङले कोभिड माहामारी नियन्त्रण, निदान र उपचारमा फ्रन्टलाइनमा खटिएर काम गर्दै गर्दा कोरोना संक्रमण भइ उपचारका क्रममा अनमी भारतीको निधनले कुशल र पेशाप्रति समर्पित रास्ट्रसेवक कर्मचारी गुमाउनु परेको बताएकाछन् । शहिद दिवसकै दिन कुशल र कत्श्यनिष्ट स्वास्थ्य कर्मचारी गुमाउनु परेको भन्दै प्रमुख जिल्ला अधिकारी कुरुम्वाङले सामाजिक संजालमार्फत सार्वजनिक रुपमा दुःख व्यक्त गरेका छन ।
मृतक भारती स्वास्थ्य कार्यालय बर्दियाका प्रमुख गोकर्ण गिरीका धर्मपत्नी हुन् ।
यससँगै बाँकेमा हालसम्म कोरोना संक्रमणका कारण ज्यान गुमाउनेको सँख्या ५२ पुगेको छ ।
प्रतिक्रिया