काठमाडौं । नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्ड विरुद्ध अदालतको अवहेलना मुद्दा दर्ता भएको छ ।
अधिवक्ता समिर हायूले मुद्दा दर्ता गराएको मुद्दाको पेशी सर्वोच्चले मंगलबार भोलिका लागि तोकेको छ । प्रचण्डले सार्वजनिक सभामा अदालत विरुद्ध अभिव्यक्ति दिएको भन्दै मुद्दा दर्ता गरिएको हो ।
विराटनगरको सभामा प्रचण्डले सर्वोच्च अदालतले सही फैसलना गर्ने विश्वास रहेको भन्दै जरुरी पर्यो भने जनताको अदालतले संसद बैठक बोलाउने र प्रतिगमनकारी अपराधीलाई कारवाही गर्नसक्ने टिप्पणी गरेका थिए ।
अधिवक्ता हायुले अदालतमा विचाराधीन मुद्दामा टिप्पणी गरेको भन्दै प्रचण्डले भाषण गरेको आरोप लगाएका छन् ।
प्रधानमन्त्री केपी शर्मा ओली विरुद्ध परेको अवहेलनाको मुद्दालाई दुई दिन दर्ता गर्न होल्ड गरेको सर्वोच्च अदालतले पूर्वप्रधानन्यायाधीस र पूर्वसभामुख दमननाथ ढुंगाना विरुद्ध समेत अवहलेना मुद्दा परेपछि एकैपटक पेशी तोकेको थियो ।
सर्वोच्चले ती मुद्दामा प्रधानमन्त्री, चार पूर्वप्रधानन्यायाधीश र पूर्वसभामुख ढुङ्गानालाई आफैं उपस्थित भएर जवाफ दिन आदेश दिइसकेको छ।
प्रतिक्रिया