काठमाडौं । उत्तरी छिमेकी मित्रराष्ट्र चीनले नेपाललाई दिनलागेको कोभिड खोप अनुदानको डोज बढाएको छ ।
यसअघि नेपाललाई ३ लाख डोज खोप उपलब्ध गराउन लागेको चीनले त्यसलाई अब ५ लाख डोज पुयाएको छ ।
परराष्ट्रमन्त्री प्रदीप ज्ञवाली र चिनिया समकक्षी एवं स्टेट काउन्सिलर वाङ यीबीच शुक्रबार साँझ भएको टेलिफोन वार्तापछि चीनले थप २ लाख डोज खोप उपलब्ध गराउने प्रतिवद्धता जनाएको हो ।
टेलिफोन कुराकानीकै क्रममा चिनियाँ विदेशमन्त्री वाङले सो सहयोगको घोषणा गरेको परराष्ट्र मन्त्रालयले विज्ञप्तिमार्फत जनाएको छ ।
कुराकानीका क्रममा विदेशमन्त्री वाङले<span;> चीनले नेपाललाई प्राथमिकतामा साथ खोप उपलब्ध गराउने पनि बताएका छन्।
नेपालस्थित चिनियाँ दूतावासले केही दिनअघि मात्रै नेपाललाई ३ लाख डोज कोभिड खोप उपलब्ध गराउन लागेको जनाएको थियो । ति खोप छिटो उपलब्ध गराउनका लागि नेपालका अधिकारिहरूसँग छलफल भैरहेको दूतावासले जनाएको थियो ।
त्यसअवसरमा दुई मुलुको आपसी हितका विषयहरुमा छलफल भएको मन्त्रालयको विज्ञप्तिमा उल्लेख गरिएको छ ।
सो सहयोगका लागि मन्त्री ज्ञवालीले चीन सरकारलाई धन्यवाद दिएका थिए । ज्ञवालीले चीनद्वारा कोभिड खोपलाई विश्वभर सार्वजनिक वस्तुको रूपमा उपलब्ध गराउने चिनियाँ अवधारणाको प्रशंसा गरेका थिए।
प्रतिक्रिया