कैलाली । कैलालीमा प्रेमिकाको हत्या गरेको आशंकामा पक्राउ परेका वडा सदस्य विरुद्ध आत्महत्या दुरुत्साहन मुद्दा दर्ता भएको छ ।
जिल्लाको गौरीगंगा नगरपालिका-३ का कार्यवाहक वडाध्यक्ष निरज चौधरीमाथि आत्महत्या दुरुत्साहन मुद्दा दर्ता भएको जिल्ला प्रहरी कार्यालय कैलालीका प्रहरी नायव उपरीक्षक प्रतीक बिष्टले जानकारी दिए ।
उनका प्रेमिका अञ्जिता चौधरीले उनकै घरमा आइतबार विहान झुण्डिएको अवस्थामा मृत फेला परेकी थिइन । वडा सदस्य चौधरीलाई हत्यामा संलग्न भएको आशंकामा सोधपुछका लागि प्रहरीले आइतबार नै नियन्त्रणमा लिएको थियो ।
मृतकका दाजु रमेश चौधरीका अनुसार अञ्जिता विगत १० वर्षदेखि प्रेम सम्बन्धमा रहेकी थिइन । तर वडा सदस्य चौधरीले अञ्जितालाई झुक्याएर हालै अर्को विवाह गरेको दाबी मृतकका आफन्तजनले गरेका छन ।
प्रतिक्रिया