काठमाडौं । संसद विघटनको सिफारिसमा दुई चरणमा निर्वाचन गर्ने प्रस्ताव गरे अनुसार सरकारले दुई चरणको निर्वाचनका लागि क्षेत्र विभाजन गरेको छ । सोमबार साँझ बसेको मन्त्रिपरिषदको बैठकले वैशाख १७ र २७ का लागि घोषित निर्वाचनको कार्यक्रममा गरिने निर्वाचनको क्षेत्र निर्धारण गरेको हो ।
मन्त्रिपरिषद् बैठकले पहिलो चरणमा वैशाख १७ गते प्रदेश नम्बर १, २, गण्डकी, कर्णाली र लुम्बिनी प्रदेशमा र दोस्रो चरणमा वैशाख २७ गते बागमती र सुदूरपश्चिम प्रदेशमा निर्वाचन गराउने गरि निर्णय गरेको छ ।
मन्त्रिपरिषदको निर्णय सुनाउन आज प्रधानमन्त्री केपी ओली आज निर्वाचन आयोग पुगेका छन् । उनले आयोगमा निर्वाचनको तयारीका बिषयमा आयोगका पदाधिकारीहरुसँग छलफल समेत गरेका छन् ।
देशका १३५ वटै निर्वाचन क्षेत्रमा कर्मचारी, सुरक्षा, मतपत्रलगायत विषयमा आयोगसंग प्रधानमन्त्री ओलीको छलफल भएको सरकारका शिक्षामन्त्री कृष्णगोपाल श्रेष्ठले जानकारी दिए ।
प्रतिनिधिसभा विघटन गरेर निर्वाचनमा जाने प्रधानमन्त्रीको निर्णयको प्रचण्ड-नेपाल पक्षको नेकपा सहित सबै दलहरुले विरोध जनाएका छन् ।
देशमा प्रचण्ड-नेपाल पक्षको नेकपा सहित कांग्रेस, जनता समाजवादी पार्टी, नागरिक समाजलगायत पनि संसद् विघटनविरुद्ध आन्दोलित छन्।
प्रतिक्रिया