काठमाडौं । आज २६ औं जनयुद्ध दिवस, नेकपा प्रचण्ड–नेपाल पक्षले आज शनिवार देशभर जनयुद्ध दिवस मनाउँदैछ ।
जनयुद्ध दिवसको अवसरमा आज बिहान ९ बजे केन्द्रीय कार्यालय पेरिसडाँडामा पेरिसडाँडासहित देशभर बिभिन्न कार्यक्रम आयोजना गरिएको छ ।
तत्कालीन नेकपा माओवादीले चलाएको १० वर्षे सशस्त्र युद्धको स्मरणमा आज जनयुद्ध दिवस मनाउन लागिएको नेकपा प्रचण्ड–नेपाल पक्षले जनाएको छ।
कार्यक्रममा अध्यक्ष प्रचण्ड सहभागी हुने भएका छन भने अर्का अध्यक्ष माधव नेपाल काठमाडौ बाहिर रहेकोले जिल्लाकै कार्यक्रममा सहभागी हुने नेकपा स्रोतले जनाएको छ ।
नेकपा प्रचण्ड–नेपाल पक्षले सबै जिल्लाहरुलाई पनि जनयुद्धको दिवसको अवसरमा शहीद स्मृति तथा सम्मान कार्यक्रम गर्न यसअघि नै सर्कुलर गरेको छ ।
यस्तै अन्य पूर्वमाओवादीहरुले पनि विभिन्न कार्यक्रम गरी जनयुद्ध दिवस मनाउदैछन् ।
प्रतिक्रिया