प्रधानमन्त्री ओलीले सनकको भरमा संविधानमाथि खेलवाड गरे : रामचन्द्र पौडेल

काठमाडौं । नेपाली काँग्रेसका वरिष्ठ नेता रामचन्द्र पौडेलले प्रधानमन्त्री केपी शर्मा ओलीले संविधानमाथि खेलवाड गरेको आरोप लगाएका छन् ।
पूर्व प्रधानमन्त्री समेत रहेका डा.बाबुराम भट्टराईद्वारा लिखित ‘गुमनाम आमाहरूको कथा’ पुस्तक लोकार्पण समारोहलाई सम्बोधन गर्दै पौडेलले प्रधानमन्त्री ओलीले प्रतिनिधिसभा विघटन गरेर संविधानमाथि खेडवाड गरेको आरोप लगाएका हुन् ।

पौडेलले प्रधानमन्त्री ओलीले हुँदै नभएको अधिकार प्रयोग गरेर प्रतिनिधिसभा विघटन गरेको आरोप लगाए । संसदले प्रधानमन्त्री दिन नसकेमात्रै संसद विघटन गर्नसक्ने भएको सहमतिमाथि ओलीले धोका दिएको बताए। ‘हामीसँगै बसेर गरेको सहमति केपी ओलीजीले विश्वासघात गर्नुभयो । यस विश्वासघातबाट देशलाई मुक्त गर्नुपर्छ’, पौडेलको भनाइ थियो ।

उनले यति ठुलो विश्वासघात होला भन्ने नसोचेको भन्दै प्रधानमन्त्री ओलीमा राजनीतिमा भएको ढाँटछलले जनता निरास भएको बताए । उनले राजनीतिक संस्कार नभएको उनको भनाई थियो ।