विराटनगर । प्रदेश १ सरकारको वार्षिकोत्सव कार्यक्रमलाई नेकपाको प्रचण्ड नेपाल पक्षसहितका प्रतिपक्षी दलहरुले बहिस्कार गरेका छन् ।
विराटनगरस्थित मुख्यमन्त्री कार्यालयमा जारी वार्षिकोत्सव कार्यक्रमलाई प्रचण्ड नेपाल नेकपा र नेपाली काँग्रेससहितका दलहरुले बहिस्कार गरेका हुन् ।
सरकारले संसद छल्दै हिँडेका कारण कार्यक्रममा उपस्थिति हुन आवश्यक नदेखेको प्रमुख प्रतिपक्षी दल नेपाली काँग्रेसका संसदीय दलका नेता राजीव कोइरालाले जनाएका छन् । प्रचण्ड नेपाल पक्षका नेता इन्द्र आङ्वोले सरकारले बैधता गुमाइसकेका कारण त्यस्तो सरकारले आयोजना गर्ने कार्यक्रममा अनुपस्थित भएको बताए ।
कार्यक्रममा प्रदेश सभाका सांसदहरुको उपस्थिति न्यून रहेका छ । ओली समुहका सांसदहरु मात्रै उपस्थित रहेको कार्यक्रममा सरकारले २३२ बुँदे उपलब्धी सार्वजनिक गरेको छ । प्रदेश प्रमुख सोमनाथ प्यासीले उपलब्धी पुस्तिका सार्वजनिक गरेका छन् ।
मुख्यमन्त्री शेरधन राई विरुद्ध प्रचण्ड नेपाल पक्षले अविश्वासको प्रस्ताव दर्ता गरेका छन् । तर, ओली पक्षले भने अविश्वासको प्रस्ताव सामना नगरी संसद बैठकलाई नै अवरोध गरेर सत्ता टिकाउन प्रयास गरिरहेको छ ।
प्रतिक्रिया