देवदह कप प्रतियोगिता : पत्रकारका अगाडी जनप्रतिनिधिको केहि चलेन

बुटवल । जनप्रतिनिधि र सञ्चारकर्मीकाबीच भावनात्मक सम्बन्ध विस्तार गर्न भन्दै रुपन्देहीको देवदहमा बुधबार भएको फुटबल प्रतियोगितामा देवदहका जनप्रतिनिधिहरुको टिमलाई हराउँदै रुपन्देहीका क्रियाशिल पत्रकार विजयी भएका छन । निक्कै रोमाञ्चक र कडा प्रतिष्पर्धाका साथ सम्बन्न खेलमा देवदह नगरपालिकाका जनप्रतिनिधि, कर्मचारीलाई ट्राईबेकरमा ४–२ गोलले पराजित गर्दै उपाधि चुमेका हुन् ।

डि युनिटि युथ क्लब देवदहको आयोजनामा पानबारीस्थित खेलमैदानमा जारी दोस्रो देवदह कप प्रतियोगिता अन्तरगत बुधबार देवदह जनप्रतिनिधि, कर्मचारी र पत्रकारबीच फुटबल प्रतियोगिता भएको थियो । खेलमार्फत जनप्रतिनिधि, कर्मचारी र सञ्चारकर्मीबीच भावनात्मक सम्बन्ध विस्तारको उदेश्यका साथ खेल आयोजना गरिएको आयोजक डि युनिटी युथ क्लवले जनाएको छ । आयोजकका अनुसार प्रतियोगिताको फाइनल खेल फागुन ९ गते हुने छ ।