१५ मंसिर २०७९, बिहिबार | December 1, 2022

मुख्यमन्त्री राईलाई भीम आचार्यको चुनौती, – हिम्मत भए प्रदेशसभा भंग गरेर देखाऊ



काठमाडौं । प्रदेश १ का मुख्यमन्त्री शेरधन राईले प्रदेश सभा नै भंग गर्ने चेतावनी दिएको भोलिपल्ट प्रचण्ड नेपाल पक्षका नेता भीम आचार्यले हिम्मत भए भंग गरेर देखाउन चुनौती दिएका छन् ।

काठमाडौंमा पत्रकार सम्मेलन गर्दै नेता आचार्यले हिम्मत भए प्रदेश सभा भंग गरेर देखाउन राईलाई चुनौती दिएका हुन् । प्रचण्ड नेपाल पक्षको संसदीय दलका नेता बनेका आचार्यले प्रदेशसभा भंग गर्ने तागत र अधिकार राईसँग नभएको बताए । आचार्यले भने, ‘मुख्यमन्त्रीसँग तागत छ भने प्रदेशसभा भंग गरेर देखाउनुहोस् । धम्की दिने कुचेष्टा नगरे हुन्छ ।’

अविश्वासको प्रस्ताव सामना गर्न नसकेर राई र ओली पक्ष डराएर भागिरहेको टिप्पणी गरे । अविश्वास प्रस्ताव दर्ता भएपछि पहिला डटेर सामना गरिन्छ भनेका राईले दुई महिनाको अवधिमा सभामुख, उपसभामुख र सांसदहरुलाई धम्क्याउने मात्रै काम गरिरहेको आचार्यले आरोप लगाए । उनले थपे, ‘तर, पार नलागेपछि भंग गर्ने चेतावनी दिन थाल्नुभएको छ ।’ अल्पमतमा परेका मुख्यमन्त्री धेरैदिन भाग्न नसक्ने आचार्यको भनाइ छ । उनले अविश्वासको प्रस्तावमा नेपाली कांगेस र जनता समाजवादी पार्टीले समर्थन गर्ने विश्वास व्यक्त गरे ।

निरन्तर स्थगित हुँदै आएको प्रदेशसभा बैठक भोलि बोलाइएको छ । आचार्यले भोलिदेखि लगातार बस्नुपर्ने र अविश्वासको प्रस्तावमा छलफल हुनुपर्ने उनले बताए । संविधानले नै २५ प्रतिशत सांसदहरुलाई सरकारको विरुद्धमा अविश्वासको प्रस्ताव दर्ता गर्ने अधिकार दिएको र त्यसलाई प्रक्रियामा लैजानु पर्नेमा संसद नै बस्न नदिइएको आचार्यले बताए ।

सरकार आफैले बोलाएको संसद आफैले अवरोध गरिरहेको बताउँदै उनले आफूहरु प्रतिगमनको विरुद्धमा आन्दोलन गरिरहेको र जनताले समेत साथ दिएकोले प्रतिगमनलाई घुँडा टेकाएरै छाड्ने दाबी गरे ।

 

 

प्रकाशित मिति : ८ फाल्गुन २०७७, शनिबार  ३ : ५७ बजे

स्थापना दिवसका अवसरमा रक्तदान र मानवसेवा आश्रममा खाना

बुटवल । रुपन्देही उद्योग संघले आफ्नो ४५ औं स्थापना दिवश

बाजुरामा मतगणना सुरू

काठमाडौं । बाजुरामा बिहीबार अपराह्नदेखि मतगणना सुरु भएको छ । बिहीबार

बालेनको विरोधका नाममा मधेश र मधेसी नागरिकको अपमान भएको भन्दै मधेसी आयोगको आपत्ति

काठमाडौं । मधेसी आयोगले काठमाडौं महानगरपालिकाका मेयर बालेन्द्र साहविरुद्ध नाराबाजी

काठमाडौको रात रङ्गिन हुँदै, क्लब र डिस्को बिहान चार बजेसम्म खोल्न पाइने

काठमाडौं । काठमाडौं उपत्यकाका डान्स, दोहोरी रेष्टुरेण्ट र लाउन्ज एण्ड

खुमलटार पुगेर प्रचण्डलाई बधाई दिए कांग्रेस उपसभापति खड्काले

काठमाडौं । नेपाली कांग्रेसका उपसभापति पूर्णबहादुर खड्का र माओवादी केन्द्रका