आइपुग्यो नेपाल आफैले खरिद गरेको १० लाख डोज कोरोना खोप

काठमाडौं । नेपालले खरिद गरेको कोरोना विरुद्धको खोपको पहिलो खेप नेपाल आइपुगेको छ ।

भारतको सेरम इन्स्टिच्युट अफ इन्डिया प्रालीसँग खरिद गरेको २० लाख डोज ‘कोभिसिल्ड’मध्ये आज पहिलो खेप १० लाख डोज नेपाल आइपुगेको हो ।

एयर इन्डियाले ल्याएको सो खोप त्रिभुवन अन्तर्राष्ट्रिय विमानस्थलमा आइपुगेको हो ।

सरकारले सेरमसँग खोप खरिद गर्नका लागि अग्रिम भुक्तानी समेत गरिसकेको छ । अर्को १० लाख खेप डोज खोप पनि केही दिनभित्रै आइपुग्ने बताइएको ।

यो खोप ५५ वर्ष माथिको उमेर समुहका व्यक्तिहरुलाई लगाइने स्वास्थ्य तथा जनसंख्या मन्त्रालयले जनाएको छ ।