बुटवल । भैरहवामा रहेको कृषि तथा पशु विज्ञान अध्ययन संस्थान पक्लिहवा क्याम्पसको हाताभित्र रहेको पशु चिकित्सा शिक्षण अस्पताल (भेटनरी अस्पताल) र स्थानीय बीच ३ बुँदे सहमति भएको छ ।
सोमबार क्याम्पसको तर्फबाट क्याम्पस प्रमुख राम भजन मण्डल, भेटनरी शिक्षण अस्पताल पक्लिहवा क्याम्पसका सह-प्रा.डा कृष्ण काफ्ले, स्थानीय सरकारकोतर्फ बाट सिद्धार्थनगर नगरपालिका वडा नं. १ का वडाध्यक्ष रमेश मल्ल, स्थानीयको तर्फबाट नयाँगाउँ रानीगाउँ दुर्गा मन्दिर समाजका अध्यक्ष खुशीमान गुरुङ्गबीच सहमति भएको हो ।
सहमति पत्रमा पशु शिक्षण अस्पतालको सम्पूर्ण संरचना तयारी भई संचालन नभएसम्म भेटनरी शिक्षण अस्पताल र युनिट, एक्सटेन्सन, कम्युनिटी आउटरीच प्रोग्राम आदिको नाममा अन्य ठाउँमा निर्माण नगर्ने नगराउने सहमति भएको छ ।
यस्तै नयाँ संरचना बनाउने गरी सम्पूर्ण कागजी प्रक्रिया पूरा गरि सहमति भएको १८ महिना भित्र सम्पन्न गर्नुपर्ने र स्थानीय सरकार, स्थानीय सरोकार राख्ने पक्षहरुको प्रत्यक्ष सहभागितामा त्रि.वि. विकेन्द्रीकरण नियमाअनुसार ब्यवस्थापन समिति गठन गर्ने सहमति भएको स्थानीय सुशिल गुरुङ्गले बताए ।
प्रतिक्रिया