१३ मंसिर २०७९, मंगलबार | November 29, 2022

प्रचण्ड-नेपाल नेकपाले स्थायी कमिटी र केन्द्रीय कमिटी बैठक बोलाउने



काठमाडौं । प्रचण्ड नेपाल नेतृत्वको नेपाल कम्युनिष्ट पार्टीले पार्टीको स्थायी कमिटी र केन्द्रीय कमिटी बैठक बोलाउने भएको छ ।

सिंहदरबारस्थित नेकपा संसदीय दलको कार्यालयमा बसेको सचिवायल बैठकले छिट्टै दुबै कमिटीका बैठक बोलाउने निर्णय गरेको प्रवक्ता नारायणकाजी श्रेष्ठले जानकारी दिए। केन्द्रीय कमिटीको बैठक यही फागुन १९ गते दिउँसो १ बजे पार्टी कार्यालय पेरिसडाँडामा बस्नेछ । स्थायी कमिटी बैठक केन्द्रीय कमिटी बैठक अघि बस्नेछ ।

बैठकले पार्टीको आधिकारिकता विवाद छिटो टुंग्याउन निर्वाचन आयोगलाई आग्रह गर्ने निर्णय पनि गरेको छ । बैठकमा पुनर्स्थापित प्रतिनिधिसभा बैठकमा कसरी प्रस्तुत हुने भन्ने विषयमा छलफल भएको प्रवक्ता श्रेष्ठले बताए । प्रमुख सचेतक देव गुरुङलाई हटाउने निर्णय आफूहरुलाई मान्य नहुने प्रवक्ता श्रेष्ठले बताए ।

प्रतिनिधिसभा पुनर्स्थापित भएपछि पनि प्रधानमन्त्री केपी शर्मा ओलीले राजीनामा नदिए पछि उनी विरुद्ध कस्तो रणनीति बनाउने भन्ने विषयमा पनि सचिवालयमा छलफल भएको छ । प्रधानमन्त्री ओली विरुद्ध सडकको संघर्ष संसदमा प्रवेश गरेपनि प्रचण्ड नेपाल पक्षलाई कतिपय कानुनी अड्चनका कारण समस्या परेको छ ।

निर्वाचन आयोगले पार्टी विभाजनलाई मान्यता नदिँदा त्यसको प्रभाव नेकपा संसदीय दलमा परेको छ । व्यवहारिक रुपमा पार्टी र संसदीय दल फुटे पनि कानुनतः फुट नदेखिएको हुँदा संसदीय दलको नेता उपनेता र मुख्य सचेतकको भूमिकाको विषय पेचिलो बन्ने देखिन्छ । जसका कारण ओली विरुद्धको रणनीति बनाउन प्रच्ण्ड नेपाल पक्षलाई समस्या परिरहेको हो ।

सचिवालय बैठकमा अध्यक्षद्वय पुष्पकमल दाहाल प्रचण्ड, माधवकुमार नेपाल, वरिष्ठ नेता झलनाथ खनाल र प्रवक्ता नारायणकाजी श्रेष्ठ सहभागी थिए ।

सर्वोच्च अदालतको आदेशपछि सरकारको सिफारिसमा राष्ट्रपति विद्यादेवी भण्डारीले प्रतिनिधिभाको बैठक यही फागुन २३ गते आह्वान गरेकी छिन् ।

प्रकाशित मिति : १७ फाल्गुन २०७७, सोमबार  ११ : २१ बजे

स्मार्टच्वाईस टेक्नोलोजिज र एभरेष्ट बैंकवीच स्मार्ट क्यूआर मार्फत भुक्क्तानी सेवा संचालनको लागि सम्झौता

काठमाडौँ । नेपाल राष्ट्र बैंकबाट भुक्तानी प्रणाली संचालनको अनुमती प्राप्त

‘घ’ वर्गका लघुवित्त वित्तीय संस्थाको लाभांशमा केन्द्रीय बैंकको कडाई

काठमाडौं । नेपाल राष्ट्र बैंकद्वारा लघुवित्त वित्तीय संस्थाहरूको लाभांशमा थप कडाइ

प्रतिस्पर्धाका आधारमा सौर्य ऊर्जा खरिद गर्दै प्राधिकरण

काठमाडौं । नेपाल विद्युत् प्राधिकरणले प्रतिस्पर्धाका आधारमा एक सय मेगावाट

सेतो बस्त्र लगाएकी युवतीले किन फ्याँकिन सर्वोच्चको गेट अगाडि रातो रङ ?

काठमाडौं । सर्वोच्च अदालतको गेट अगाडि रातो रंग फ्याँक्ने एक

फेरि पनि संसदमा छिरे आधा दर्जन ठेकेदार, स्वार्थ बाझिने खतरा

काठमाडौं । प्रदेश तथा प्रतिनिधिसभा निर्वाचनबाट डाक्टरदेखि ठेकेदारसम्म निर्वाचित भएका