पोखरा । गृहमन्त्री एवम् ओली नेकपाका नेता रामबहादु थापाले प्रधानमन्त्री विरुद्धको अविश्वासको प्रस्ताव फिर्ता लिएर पार्टीमा फर्किन आग्रह गरेका छन् ।
पोखरामा ओली पक्षीय कार्यकर्ता भेलाललाई सम्बोधन गर्दै नेता गृहमन्त्री थापाले प्रचण्ड नेपाललाई पार्टी एकता जोगाउने अन्तिम अवसर भएको बताउँदै अविश्वासको प्रस्तावतिर नलाग्न सुझाव दिएका हुन् ।
अविश्वासको प्रस्ताव फिर्ता लिएर सच्चिएर भदौ २६ को निर्णयमा फर्किन उनले आग्रह गरे । उनले भने, तपाईंहरुलाई सच्चिने अन्तिम अवसर छ । अविश्वास प्रस्तावलाई फिर्ता गरेर पार्टी एकताका निम्ति भदौ २६ मा फर्किनुहोस् । आत्म आलोचनसहित भदौ २६ को निर्णय पालना गर्नुहोस् र एकतामा सहयोग पुयाउनुहोस् ।’
गृहमन्त्री थापाले प्रचण्डले ‘कर्फर्टेबल सरकार’ को नाममा राष्ट्रिय स्वाधीनातामा अतिक्रमण गर्ने कोसिस गरेको आरोप लगाए । उनले भने, ‘तर, एकथरी हाम्रा कमरेडहरू कम्फर्टेबल सरकार बनाएर राष्ट्रिय स्वाधीनतालाई अतिक्रमण गर्न चाहन्छन् । समाजवाद रोक्न चाहन्छन् ।’
थापाले सर्वोच्च अदालतको फैसलाले देशमा अस्थिरता निम्तिने दाबी गरे । संसद विघटन गर्ने प्रधानमन्त्रीको कदम सही रहेको बताउँदै उनले अदालतको फैसलाबाट देश अस्थिरतामा जान लागिसकेको बताए ।
संसदमा अब हुने लडाईंमा आफुहरुको विजय हुने पनि थापाले दाबी गरे । उनले भने, ‘अब संघर्ष अदालत र सडकबाट संसदमा प्रवेश गरेको छ । यो नयाँ मोर्चामा हामीले विजय प्राप्त गर्ने छौं, हामीले विजय प्राप्त गर्नैपर्छ ।’
प्रतिक्रिया