देशैभर ‘भाले’ भिडन्तको तयारीमा रहेको दुई नेकपा बाँकेमा भने एउटै मोर्चा बनाएर चुनाव लड्दै

नेपालगन्ज । देशैभर नेकपाके ओली र प्रचण्ड-नेपाल पक्षका बीच बोलिबारबार भएको अवस्थामा बाँकेको कोहलपुरमा भने यी दुई समूह संयुक्त गठबन्धन बनाएर निर्वाचनमा होमिएकाछन् । केन्द्र देखि स्थानीय तहसम्म एकले अर्काको अस्तित्व समेत स्विकार गर्न नसकिरहेका बेला कोहलपुर उद्योग वाणिज्य संघको निर्वाचनमा ओली पक्षर प्रचण्ड-नेपाल पक्षको नेकपा एउटै मोर्चामा चुनावी मैदानमा देखिएका हुन् ।

प्रचण्ड-नेपाल पक्षका व्यापारी नेता विष्णु प्रसाद खनाल नेतृत्वमा साझा समाबेशी प्यानल बनाउँदै कोहलपुरमा उद्योग बाणिज्य संघमा दुई नेकपा सहित राष्ट्रिय जनमोर्चाको संयुक्त प्यानल बनाएर निर्वाचनमा भाग लिएका छन् ।

खनाल नेतृत्वको प्यानललाई जिताउन भेट्दा बोल्न समेत आनाकानी गर्ने दुई नेकपाका नेताहरु सहित राजमोका नेताले संयुक्त विज्ञप्ति प्रकाशित गरेर मत दिन आह्वान गरेका छन् । फागुन २२ गते हुन गईरहेको कोहलपुर उद्योग वाणिज्य संघको निर्वाचनमा खनाल नेतृत्वको साझा समाबेशी प्यानल र लक्ष्मणराज पौडेल नेतृत्वको लोकतान्त्रीक समावेशी व्यवसायी समूह चुनावी मैदानमा होमिएका छन ।

पौडेल नेतृत्वको प्यानललाई कांग्रेस, राप्रपा सहित राजपाको समर्थन रहेको बुझिएको छ ।

तिन दलद्धारा आईतबार जारी गरीएको अपिलमा कोहलपुर क्षेत्रको उद्योग व्यवसायलाई संरक्षण र संर्वद्धन गर्न, कोहलपुरलाई औद्योगिक करिडोरका रुपमा विकास गर्न र लघु तथा घरेलु उद्योगहरुको प्रवद्र्धन गर्न समक्ष र जुझारु नेतृत्वको आवश्यकता बोध भएको उल्लेख गरीएको छ ।

साथै विज्ञप्तिमा राजनितिक दल भित्र देखिएको विमतीलाई थाती राखेर चुनावमा सम्पुर्ण प्रगतीशिल व्यवसायीहरुलाई जिताउन आग्रह समेत गरीएको छ ।