काठमाडौं । प्रतिनिधिसभाको बैठक बसिररहेको छ । बैठकबाट प्रचण्ड नेपाल पक्षको नेकपाका सांसदहरुले भने बैठक बहिस्कार गरेका छन् ।
बैठकमा सभामुख अग्निप्रसाद सापकोटाले कार्यसूचिअनुसार राष्ट्रपतिले पठाएको बैठक आह्वानको पत्रबाहेक अन्य पत्रहरु समेत पढ्न थालेपछि नेकपाका सांसद भिम रावलले बीचैमा उठेर सभामुखसँग समय माग गरी अध्यादेशबारे सरकरको हैसियत प्रष्ट नभै संसदलाई जानकारी दिन नसक्ने बताए ।
रावलले संसदमा प्रधानमन्त्रीको हैसियत के हो भन्ने बारे थाहा नभएको भन्दै आजको बैठकमा दिवंगत भएका पूर्व सांसदहरुप्रति श्रद्धान्जली अर्पण गर्नुपर्ने र बैठक स्थगित गर्नुपर्ने माग गरे ।
तर, सभामुखले कानुन अनुसार अघि बढ्नुपर्ने भएपछि नेकपाका सबै सांसदहरु उठेर बैठक कक्षबाट बाहिरिए ।
प्रतिक्रिया