बुटवल । लुम्बिनी प्रदेशका मुख्यमन्त्री शंकर पोखरेलले सर्वोचच अदालतको आईतबारको फैसलाले पार्टी नेतृत्वलाई आत्म समिक्षा गर्नै अवसर दिएको बताएका छन् । आफ्ना हरेक स्टाटसमा प्रचण्ड-नेपाल पक्षलाई प्रहार गर्दै आएका मुख्यमन्त्री पोखरेलले बार भने तुलनात्मकरुपमा सन्तुलिन अभिव्यक्ति पोष्ट गरेका छन् ।
पोखरेलले पूर्व एमाले र माओवादी केन्द्रबीचको एकताको मर्म नेतृत्वको तकरावका कारण मरेको उल्लेख गर्दै अदालतको फैसलाबाट आत्म समिक्षा गर्ने ठाँउ दिएको भन्दै सबैलाई जिम्मेवार बन्न आग्रह समेत गरेका छन् ।
यस अघिका उनको अभिव्यक्तिहरुमा एकताका पक्षमा भन्दा प्रधानमन्त्री केपी ओलीको बचाउका पक्षमा विचारहरु आउने गरेकोमा सोमबार भने पोखरेलले नेतृत्वको स्वार्थी टकरावमा ओलीको पनि सहभागितालाई स्विकार गरेका छन् ।
टकरावकै कारण एकताको मर्म मरेको निश्कर्ष निकाल्दै पोखरेलले भनेका छन्, ‘नेतृत्वको स्वार्थी टकरावले एकताको मर्म मरेकै थियो । सर्वोच्चको फैसलाले आत्म समिक्षाको ठाउ दिएको छ । जिम्मेवार बनौं ।’
प्रतिक्रिया