दैलेख । दैलेखको आठविस नगरपालिका(१ स्यालाघाटमा आज गाडी दुर्घटना हुँदा दुई जनाको मृत्यु भएको छ । दुर्घटनामा १६ जना घाइते भएका छन ।
मृत्यु हुनेमा कालिकोटको शुभकालिका गाउँपालिका-१ का ३७ वर्षीय जितेन्द्रबहादुर शाही र कालिकोटकै नरहरिनाथ गाउँपालिकाका २१ वर्षीय कमल विक रहेका छन ।
कालिकोटबाट सुर्खेततर्फ जाँदै गरेको कर्णाली प्रदेश ०२०० ख २४७ नम्बरको गाडी आज बिहान ११ बजे अनियन्त्रित भई सडकबाट एक सय मिटर तल खसेको थियो ।
दुर्घटनामा परी घाइते भएका १६ जनाको शाही मेडिकल हलमा उपचार भइरहेको प्रहरीले जानकारी दिएको छ । जिल्ला प्रहरी कार्यालय दैलेखका अनुसार दुर्घटनापश्चात् फरार रहेका चालकको खोजी भइरहेका छ ।
प्रतिक्रिया