काठमाडौं । सत्ता समिकरणको जोडघटाउ चलिरहेको समयमा नेपाली कांग्रेसले पदाधिकारी बैठक बोलाएको छ।
आजै दिउँसो ३ बजे पार्टी सभापति शेरबहादुर देउवाको निवास बुढानिलकण्ठमा पदाधिकारी बैठक राखिएको हो । समसामयिक राजनीतिक घटनाक्रमबारे छलफल गर्न पदाधिकारी बैठक बस्न लागेको कांग्रेस कार्यालय सचिव कृष्णप्रसाद पौडेलले बताए । पदाधिकारी बैठक लगत्तै कांग्रेससँग छलफल गर्न जनता समाजवादी पार्टी जसपाका नेताहरु देउवा निवास पुग्दैछन् । दुई पार्टीबीच अपरान्ह ४ बजे छलफलको समय तय गरिएको छ ।
जसपाले आफ्ना माग पुरा गराउन सबै दलहरुसँग छलफल अघि बढाएको छ । प्रधानमन्त्री केपी शर्मा ओलीसँग बिहीबार साँझ भएको छलफल सकारात्मक भएको जसपाका राजपापक्षीय नेताहरुले बताएका छन् । यद्यपी, छलफलमा सहभागी अशोक राईले भने ओलीलाई विश्वास गर्न नसकिने बताएका थिए ।
जसपाले समर्थन दिएमा ओली सरकार टिक्न सक्छ । जसपाले समर्थन दिएमा कांग्रेस, माओवादी केन्द्र र जसपाको संयुक्त सरकार बन्नसक्ने समिकरण रहेको छ ।
प्रतिक्रिया