बुटवल । राष्ट्रिय परोपकार महासंघ नेपाल रूपन्देहीको अन्तरक्रिया तथा सहभोज कार्यक्रम रूपन्देहीको बनबाटिकामा सम्पन्न भएको छ ।
महासंघ रूपन्देहीका अध्यक्ष नगेन्द्र पाण्डे कृष्णको अध्यक्षतामा भएको कार्यक्रममा बोल्दै महासंघका संस्थापक अध्यक्ष भागवत भाष्कर पण्डित कमलनयन गौतमले महासंघले सामाजिक सेवाभावलाई अगाडि बढाईरहेको बताए ।
उनले महासंघ अन्तर्गत देशभर ४ हजार सदस्य रहेको बताए । उनले आफ्नो संस्थाले ११० जनालाइ पालन पोशण र शिक्षा दिक्षा दिएको जानकारी दिए ।
सो कार्यक्रममा रूपन्देहीको बुटवल १५ चम्किपुरमा २ कठ्ठा जग्गा दान दिएका बाबुराम तिवारीलाइ सम्मान गरिएको थियो भने अन्य दाता तथा सहयोगीलाइ सम्मान गरिएको महासंघ रूपन्देहीका तुलसीराम भण्डारीले बताए ।
सो अबसरमा सिद्धार्थ नगरपालिकाका मेयर हरि अधिकारीले समाजसेवा सबैभन्दा ठूलो सेवा भएको बताए । कार्यक्रममा महासंघका सचिव कृष्णप्रसाद काफ्ले, उदयराज काफ्ले,दयाराम न्यौपाने लगायतले बोल्दै परोपकार संस्थालाइ देशभरी फैलाउनुपर्ने बताएका थिए ।
सो अबसरमा नेपाल परोपकार महासंघ नेपालको तिलोत्तमा नगर समिति गठन गरिएको थियो । समितिको अध्यक्षमा होमकुमार केसी ,उपाध्यक्षमा कमला पराजुली ,सचिब भगवती देबि भट्टराई लगायत रहेका छन् ।
प्रतिक्रिया