काठमाडौं । काठमाडौं । राष्ट्रपति विद्यादेवी भण्डारीले आज कोरोनाविरुद्धको खोप लगाएकी छिन । दिउँसो ४ बजे त्रिवि शिक्षण अस्पताल महाराजगञ्जमा उनले कोरोनाविरुद्धको खोप लगाएकी हुन ।
खोप लगाएपछि राष्ट्रपति भण्डारीले भनिन्, ‘विश्व नै कोरोना महामारीबाट आक्रान्त भइरहेको अवस्थामा वैज्ञानिकहरुले लामो समय अध्ययन गरेर कोरोना विरुद्धको खोप ल्याइ परीक्षण गरी नेपालमा पनि उपलब्ध भएको छ ।
नेपाल सरकारले पनि समयमा नै खोप ल्याएर चरणबद्ध रुपमा नागरिकले लगाइ रहेकाछन् । र सरकारको पनि जनताको जीवन रक्षा पहिलो प्राथमिकता भएकाले छिमेकी राष्ट्रबाट सहयोग तथा खरिद गरेर खोप ल्याएको छ ।’
छिमेकी राष्ट्र बंगलादेशको भ्रमण गर्नु पर्ने भएकाले यस्तो अवस्थामा कोरोना विरुद्धको खोप नलगाई जाँदा विभिन्न मिश्रित प्रतिक्रिया आउने भएकाले खोप लगाएको उनले बताइन ।
सरकारले गत फागुन २३ गतेदेखि ६५ वर्षमाथिका नागरिकलाई खोप लगाउँदै आएको छ। फागुन २३ गते प्रधानमन्त्री केपी शर्मा ओलीले कोरोनाविरुद्धको खोप लगाइसकेका छन ।
यस अघि फ्रन्टलाइनमा काम गर्ने स्वास्थ्यकर्मी, पत्रकार, निजामति कर्मचारी लगायतले पनि कोरोनाविरुद्धको खोप लगाइसकेका छन ।
प्रतिक्रिया