काठमाडौं । आर्मी अफिसर्स क्लबमा आगलागी भएको छ । भद्रकालीस्थित नेपाली सेनाको मुख्यालयस्थित आर्मी अफिसर क्लबको साउना गर्ने कोठामा आगलागी भएको सैनिक प्रवक्ता सन्तोषबल्लभ पौडेलले जानकारी दिए ।
आगो केहीबेरमै नियन्त्रणमा लिइएको र सामान्य भौतिक क्षति भए पनि मानवीय क्षति भने नभएको नेपाली सेनाले जनाएको छ । बिजुली सर्ट भएर आगो लागेको बताइएको छ ।
आगो निभाउन सेनाकै एउटा दमकल र दुईवटा पानी ट्यांकर, काठमाडौं महानगरका दुईवटा दमकल प्रयोग गरिएको थियो । नेपाली सेनाका डेढ सय भन्दा बढी सैनिक पनि आगलागी निभाउन जुटेका थिए ।
जंगी अड्डामै आगो लागेको भन्दै व्यापक हल्ला चले पनि एउटा सानो कोठामा मात्र आगो लागेको, हल्ला चलेजस्तो केही नभएको सेनाले जनाएको छ ।
प्रतिक्रिया