आजको मौसम : देशभर आंशिकदेखी सामान्य बदली, केही स्थानमा मेघगर्जन र चट्टयाङसहित वर्षाको सम्भावना

काठमाडौं । हाल देशभरको मौसममा स्थानीय वायुसँगै पश्चिमी वायुको समेत प्रभाव कायमै रहेको छ । हाल देशभरको मौसममा आंशिकदेखी सामान्य बदली भएको छ ।

आज काठमाडौंको न्युनतम तापक्रम ९ डिग्री सेल्सियस रहेको छ भने अधिकतम तापक्रम २६ डिग्री सेल्सियस रहने जल तथा मौसम विज्ञान विभागले जनाएको छ ।

आज दिउँसो देशभरको मौसममा आंशिकदेखी सामान्य बदली हुने सम्भावना देखिएको छ । प्रदेश नं १, प्रदेश नं २, बागमती प्रदेश, गण्डकी प्रदेश, कर्णाली प्रदेश, सुदूरपश्चिम र प्रदेश नं २ का एक, दुई स्थानमा मेघगर्जन र चट्टयाङसहित वर्षाको सम्भावना रहेको विभागले जनाएको छ ।

त्यसैगरी आज राती प्रदेश नं १ का पहाडी भू-भागहरुको मौसममा आंशिकदेखी सामान्य बदली हुने सम्भावना देखिएको छ । देशका बाँकी भू-भागहरुको मौसम सामान्यतया सफा रहनेछ ।

प्रदेश नं १ को पहाडी भू-भागका एक, दुई स्थानमा मेघगर्जन र चट्टयाङसहित हल्का वर्षाको सम्भावना रहेको जल तथा मौसम विज्ञान विभागले जनाएको छ ।