काठमाडौं । मौसम पूर्वानुमान महाशाखाले आजको मौसम पूर्वानुमान जारी गरेको छ । महाशाखाका अनुसार आज देशमा स्थानीय वायुसँगै पश्चिमी वायुको समेत प्रभाव रहेको छ ।
हाल देशका प्रदेश १, प्रदेश २, बागमती प्रदेश र गण्डकी प्रदेशमा आंशिक बदली रहि अन्य स्थानमा मौसम सामान्यतया सफा रहेको छ ।
यसैगरी, आजको दिउँसोको मौसमको अवस्थामा पहाडी भू-भागहरुमा आंशिकदेखी सामान्य बदली हुने र देशको बाँकी भू-भागहरुमा मौसम सामान्यतया सफा रहनेछ ।
यस्तै, पहाडी भू-भागको एक वा दुई स्थानमा मेघगर्जन र चट्टयाङ्गसहित हल्का वर्षाको सम्भावना रहेको छ । त्यस्तै, आज राति देशको पहाडी भू-भागहरुमा आंशिक बदली रहनेछ ।
प्रतिक्रिया