काठमाडौं । पूर्व प्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टरार्यले प्रधानमन्त्री केपीशर्मा ओलीलाई हिटलरसँग तुलना गरेका छन् ।
डा. भट्टराईले आइतबार बिहान ट्वीट गर्दै पार्टी र राज्यशक्ति आफुमा केन्द्रित गरेर सबैमाथि खड्ग चलाउँदै हिटलर बन्न खोजेको बताएका छन् । भट्टराईले ओलीको नाम नलिए पनि नेपाली हिटलरको उदयलाई समयमै रोक्न नसके यहुदी विरुद्ध जाइलागेका हिटलर आफु विरुद्ध जाइलाग्दा बोल्न बाँकी कोही नभएजस्तै हुने चेतावनी समेत दिएका छन् ।
भट्टराईले भनेका छन्, ‘हिट्लरबारे चर्चित भनाइ छ- ‘पहिले उनीहरू यहुदीविरूद्ध जाइलागे, म बोलिन, किनकि म यहुदी थिइन…अन्त्यमा उनीहरू मबिरूद्ध आइलागे, कोही पनि बोलेन किनकि कोही पनि बॉकी थिएन!’ नेपाली हिट्लरको उदय त्यसरी नै भैरहेछ! उसले पार्टी,राज्यको शक्ति आफुमा केन्द्रित गरेर सबैमाथि खड्ग चलाउॅदैछ! होशियार!
हिट्लरबारे चर्चित भनाइ छ-‘पहिले उनीहरू यहुदीविरूद्ध जाइलागे,म बोलिनॅ किनकि म यहुदी थिइनॅ;…अन्त्यमा उनीहरू मबिरूद्ध आइलागे,कोही पनि बोलेन किनकि कोही पनि बाॅकी थिएन!’नेपाली हिट्लरको उदय त्यसरी नै भैरहेछ!उसले पार्टी,राज्यको शक्ति आफुमा केन्द्रित गरेर सबैमाथि खड्ग चलाउॅदैछ!होशियार!
— Baburam Bhattarai (@brb1954) March 21, 2021
प्रतिक्रिया