६ जेष्ठ २०८१, आइतबार | May 19, 2024

केपी ‌ओली विदेशीले पालीपोसी हुर्काएका एजेन्ट हुन : प्रचण्ड



काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीलाई विदेशी शक्तिको एजेन्टको संज्ञा दिएका छन ।

अन्तर्राष्ट्रिय जातिभेद उन्मुलन दिवसका अवसरमा दलित मुक्ति मोर्चाद्वारा आइतवार काठमाडौंमा आयोजित अन्तरक्रिया कार्यक्रममा बोल्दै दाहालले यस्तो बताएका हुन ।

उनले ओलीलाई विदेशी शक्तिका अगाडि राम्रैसँग लम्पसार पर्न सक्ने व्यक्तिको संज्ञा दिए । ‘विदेशी शक्तिका अगाडि राम्रै लम्पसार पनि पर्न सक्ने व्यक्ति रहेछन् केपी ओली’, उनले भने, ‘२० /२५ वर्षदेखि विदेशी शक्तिले हुर्काएका व्यक्ति हुन । केपी ओली हुन्, जसलाई विदेशीले पाली पोसी हुर्काएका रहेछन ।’

उनले ओलीलाई संघीय लोकतान्त्रिक गणतन्त्रलाई नास गर्न सक्ने पात्रका रुपमा टिप्पणी गरे । दाहालले संविधानले सबै जनतालाई अझै अधिकार दिइनसकेको बताए । ‘संविधानले अझै पनि नागरिकलाई सबै अधिकार दिएको छैन’, उनले भने, ‘दलितलाई खास ठाउँमा राखिएपछि उनीहरुलाई हटाउन हतार हुन्छ । तिलक परियारलाई प्रदेश २ बाट त्यसैगरी हटाए । यो संविधान उनीहरुलाई घाँडो भएको छ ।’

उनले हिजो समानुपातिक र समावेशीको विरोध गर्नेहरु संघीयता खारेज गर्न लागेको बताए । ‘समानुपातिक समावेशीको विरोध गर्नेहरु संघीयतालाई खारेज गर्न चाहन्छन्’, उनले भने, ‘संसद पुन:स्थापना पनि हामीले आन्दोलन गरेर भएको हो। सर्वोच्चले ठीकै फैसला गर्‍यो। तर अझै पनि सबै अधिकार जनताले पाएका छैनन ।’

उनले प्रतिक्रियावादीहरु प्रचण्डलाई ढाल्न लागिरहेको बताएका छन । ‘अहिले प्रचण्ड ढल्छ भनेर लागेका छन । संघीयतालाई उल्ट्याउन र संविधान च्यात्न भनेर लागेका छन्’, उनले भनेका छन्, ‘ती सबैले यो संविधानलाई चिप्ल्याउन गणतन्त्र पनि सिद्याउन सक्ने केपी ओली नै रहेछन ।’

प्रकाशित मिति : ८ चैत्र २०७७, आइतबार  ३ : १४ बजे

भरतपुरमा सात वर्षमा सात सय किलोमिटर सडक कालोपत्र

चितवन । कुनै बेला भरतपुर महानगरपालिकाका सडकमा गहिरा खाल्डा थिए

ट्राफिक प्रहरी जवान घिमिरेको हत्यामा संलग्न ७ जना सार्वजनिक

काठमाडौं । ट्राफिक प्रहरी प्रभाग, दरबारमार्गमा कार्यरत प्रहरी जवान युवराज

ओझेलमा पर्यटकीय रुडुबन्चु पाटन

कालीकोट । कालीकोटको तिलागुफा नगरपालिका-१० मा पर्ने पर्यटकीयस्थल पाटन रुडुबन्चु

इजरायली हवाई आक्रमणमा २० जनाको मृत्यु

गाजापट्टी । मध्य प्यालेस्टिनी क्षेत्रमा रहेको शरणार्थी शिविरको एक घरलाई

कार्यदलमा अझै जुटेन सहमति

काठमाडौं । सहकारी प्रकरण छानबिन गर्न बन्न लागेको संसदीय छानबिन