काठमाडौं । विभाजनको संघारमा पुगेको एमालेमा अध्यक्ष एवं प्रधानमन्त्री केपी शर्मा ओलीले वरिष्ठ नेता माधव कुमार नेपाल र उपाध्यक्ष भिम रावलबाट कारवाही प्रक्रिया सुरु गर्ने भएका छन् । आज बसेको संसदीयदलको बैठकमा बोल्दै अध्यक्ष ओलीले माधवकुमार नेपाल र भीम रावल कारबाहीको भागिदार हुने बताएका हुन् ।
संसदीय दलको बैठकमा अध्यक्ष ओलीले नेपाल पक्षबाट गरिएका कुनै पनि माग र शर्त मान्य नहुने बताए । नेपाल पक्षले पार्टीलाई २०७५ जेठ २ कै अवस्थामा फर्काउन माग गरेका थिए । बैठकमा ओलीले एमालेमा अब गुटगत र समूहगत रुपमा कसैसँँग पनि छलफल नहुने समेत बताए । उनले एमाले २०७५ जेठ २ मै फर्किएको दाबी गर्दै माओवादीबाट एमालेमा आएका नेताहरुलाई पार्टी र सरकारको पक्षमा उभिएकाले उनीहरुको व्यवस्थापनमात्र भएको ओलीले स्पष्ट पारे ।
माधव नेपालसहितका ४ जना नेतालाई केन्द्रीय कमिटी बैठकले स्पष्टिकरण सोधेकोमा नेपाल र रावलको स्पष्टिकरण नकारात्मक कोणबाट आएकाले कारवाहीको भागिदार हुने ओलीले बताएका थिए ।
प्रतिक्रिया