कोरोनाबाट विश्वभर पछिल्लो २४ घण्टामा ११ हजार भन्दा बढीको मृत्यु

काठमाडौं । पछिल्लो २४ घण्टामा विश्वभर कोरोना संक्रमणबाट ११ हजारभन्दा बढीको मृत्यु भएको छ । संक्रमणबाट ब्राजिलमा मात्रै तीन हजार ६०० जनाको मृत्यु भएको छ ।

यस्तै‚ सोही अवधिमा अमेरिकामा १ हजार २१६‚ स्पेनमा ५९०, मेक्सिकोमा ५८४, इटलीमा ४५७, पोल्याण्डमा ४४३ तथा रसियामा ४०० जनाभन्दा बढीको मृत्यु भएको छ । फ्रान्समा ३६३, युक्रेनमा ३२६ र भारतमा २९२ जनाको मृत्यु भएको छ ।

पछिल्लो २४ घण्टामा विश्वभर ६ लाखभन्दा बढी कोरोना भाइरसबाट संक्रमित थपिएका छन । जसमध्ये ब्रजिलमा ८२ हजार ५००, अमेरिकामा ७३ हजार ७००, भारतमा ६२ हजार २९१, फ्रान्समा ४१ हजार ८००, पोल्याण्डमा ३५ हजार, टर्कीमा २९ हजार र इटलीमा २३ हजार ९०० संक्रमित थपिएका छन ।

विश्वभर कुल संक्रमितको संख्या १२ करोड ६६ लाख पुगेको छ भने २७ लाख ७८ हजारजनाको मृत्यु भएको छ । १० करोड २१ लाख मानिस संक्रमणमुक्त भएका छन ।