भारतीय प्रधानमन्त्री नरेन्द्र मोदीको विरोधमा बंगलादेशमा हिंसात्मक प्रदर्शन भएको छ । प्रदर्शनका क्रममा अहिलेसम्म पाँच जनाको मृत्यु भएको छ ।
शुक्रबार भारतीय प्रधानमन्त्री मोदी दुई दिने भ्रमणका क्रममा ढाका पुगेका थिए । मोदीको विरोधमा बंगलादेशको चट्टगाउँमा ठूलो प्रदर्शन भएको थियो । पुलिससँग भएको झडपमा कमसेकम चार जनाको ज्यान गएको बीबीसी बाङ्गलाले जनाएको छ । भडपका क्रममा घाइते भएकाहरु अस्पतालमा उपचारको क्रममा मृत्यु भएको प्रहरीले जनाएको छ ।
यसअघि शुक्रबार नमाज पछि ढाकाको बैतुल मकर्रम इलाकामा प्रदर्शन भएको थियो । त्यससमय प्रहरीसँग प्रदर्शनकारीको झडप हुँदा कैयौं संचारकर्मी समेत घाइते भएका थिए ।
बंगलादेशी संचारमाध्यमका अनुसार चट्टगाउँमा नमाजपछि हथाजरी मदरसाबाट विरोध प्रदर्शन सुरु भएको थियो । पछि प्रहरीसगँ झडप भएको थियो ।
हिफाजत ए इस्लाम नामक संगठनका नेता मुजिबुर रहमान हामिदीले उनका समर्थकहरुको मृत्यु भएको पुष्टि गरेका छन् । उनले प्रहरीले प्रदर्शनकारीमाथ गोली चलाएको आरोप लगाएका छन् ।
प्रदर्शनकारीले हथाजरी प्रहरी कार्यालमा तोडफोड गरेका थिए । बंगलादेशमा केही दिन यता मुस्लिम एवं वामपन्थी संगठनहरुले भारतीय प्रधानमन्त्री मोदीको विरोधमा प्रर्दशन गरिरहेका छन् । उनीहरुले मोदी साम्प्रदायिक भएको आरोप लगाएका छन् । शेख मुजिबुर रहमानले धर्मनिरपेक्ष राष्ट्रका लागि संघर्ष गरे पनि उनकै शतवार्षिकी कार्यक्रममा साम्प्रदायिक व्यक्तिलाई निम्ता गरिएको उनीहरुको आरोप रहेको छ ।
मोदी बंगलादेशी प्रधानमन्त्री शेख हसिना वाजेदको निमन्त्रणामा रहमानको शतवार्षिकी कार्यक्रममा भाग लिन ढाका पुगेका हुन् ।
प्रतिक्रिया