काठमाडौं । चीनले दिएको आठ लाख डोज कोरोना खोप सोमबार नेपाल आइपुग्ने भएको छ ।
नेपालका लागि चिनियाँ राजदूत हौउ यान्छीले ट्वीट गर्दै चिनियाँ खोप नेपाल आउने क्रममा रहेको जनाएकी छिन् ।
राजदूत यान्छीले चीन सरकारको सहयोग अनुदानमा प्राप्त खोप बेइजिङ क्यापिटल इन्टरनेशनल एयरपोर्टमा पुगिसकेको जानकारी गराएकी छिन् ।
चीनका लागि नेपाली राजदूत महेन्द्रबहादुर पाण्डेले विमानस्थलमा आइपुगेको खोप भण्डारण गर्ने बेलाको अवलोकन गरेका छन् ।
The 80,0000 doses of China aid COVID-19 vaccine to Nepal have arrived at Beijing Capital International Airport. They are coming very soon!✌️✌️ pic.twitter.com/aS6CsNfzsD
— Ambassador Hou Yanqi (@PRCAmbNepal) March 27, 2021
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार ती खोप भोलि सोमबार नेपाल आइपुग्नेछन् । खोप लिन नेपाल एयरलाइन्सको विमान बेइजिङ जानेछ ।
भारतले खोप निर्यातमा प्रतिबन्ध लगाएको बेलामा चिनियाँ खोप नेपाल आउन लागेको छ । गत जनवरी १६ मा औषधी व्यवस्था विभागले चिनियाँ कम्पनी सिनोभ्याकले उत्पादन गरेको भेरोसेल खोपलाई नेपालमा आपतकालीन प्रयोग गर्न दिने निर्णय गरेको थियो । तर यसको एक महिनापछि मात्र विभागले सो बारे औपचारिक जानकारी गराएको थियो ।
त्यसबीचमा भारतबाट अनुदानको १० लाख डोज खोप र नेपालले किनेको २० लाख डोजमध्ये १० लाख डोज खोपको आयात गरिएको थियो ।
प्रतिक्रिया